No.323/2020-2021

Vawiin khan DC Conference Hall, Mamit-ah Dr. Lalrozama, IAS, District Bawrhsap/ Chairman, District Level Task Force On Covid-19 hovin Mamit khawpui chhunga Village Level Task Force hruaitute nen Covid-19 hrileng mek avanga Lockdown neih mekah ei leh bar leh nitin mamawh bakah tualchhung inrelbawl dan tur chungchang sawiho-a thutkhawm a ni.

Meeting-ah hian Covid-19 hrileng mek avanga Lockdown neih mekah mipuite'n ei leh bara harsatna kan tawh lohna turin ruahmanna siam a ni a. Ni 17.04.2020 (Friday)-ah eichawp dawr nei leh khawper-a dawrkaite tan wholesale dawrah bungrua an lak phalsak nise tih niin, Ni 18.04.2020 (Saturday) hian mipui nawlpui tan dawr hawn nise, zing dar 6 atanga tlai dar 5 thleng dawr hi hawn phalsak nise tih a ni. Hei bakah hian tualchhung mite lei theih tura thlaihnah zawrhchhuah chungchangah vengtina VLTF-te remruatna anga kalpui nise tih a ni bawk.

Meeting hian khawpui chhunga VLTF Duty-te chu tuna an kal dan anga la kalpui chhunzawm zel nise a ti a. Khawpui chhung luh leh chhuahna-ah erawh YMA hmalakna-a kalpui nise tih a ni.

Meeting-ah hian Mamit khawpui chhunga ruihhlo ngai, dan pawisa lova pawna chhuak lui thinte khunghran dan tur sawiho a ni a. Dan pawisa lova chhuaklui man an awm anih chuan Indoor Stadium, Bazarveng-ah khunghran zel ni tawh se tih a ni.

Vawiin thutkhawmah hian tunlai hi thlai chi thlak hun anih angin thlai chi mamawh mi tam tak an awm dawn thu sawilan a ni. Thlai chi mamawh kan awm chuan VLTF-ah in-report nise, anni'n a theih ang anga lo ngaihtuahsak nise tih a ni.

Chairman, DLTF hian CM Relief Fund atangin khawpui chhunga VLTF tinte hnenah leh Mamit khawpui chhunga Home hrang hrangah tanpuina a hlan nghal bawk a ni.

Vawiin Meeting-ah hian Mamit khawpui chhunga VLTF hruaitute an tel tha hle a ni.


Attachment

  • Loading attachment...