No.324/2020-2021

Chief Secretary Pu Lalnunmawia Chuaungo kaihhruai State Executive Committee chuan Section 24(1) of the Disaster Management Act, 2005 in thuneihna a pek angin, nimin ni 13.04.2020 khan "Committee for promotion of locally-manufactured protective gears" a din a. 

Chairman-ah Dr. C.Vanlalramsanga, Secretary, Planning & Programme Implementation Department ruat a ni a; Member Secretary-ah Pu J.Hmingthanmawia, Director, Commerce & Industries Department ruat a ni a; Member-ah mi pahnih Dr. Lalhmingmawii, Head of Department, Microbiologist, Department of H&FW leh Pi Suzanne R.Ralte, Faculty of Garment, Technology Department, Women Polytechnic te ruat an ni.

He ‘Committee for promotion of locally-manufactured protective gears’ hian COVID-19 hripui do nana hmanrua, tualchhung a siam hmai khuhna, kawrfual leh a dangte siam kawngah hma ala ang a, Health & Family Welfare Department leh Task Group on Medicine & Medical Equipments te nena inrawna hma la tura hriattir an ni a. Chief Secretary hnenah leh State Control Room-ah nitin Dar 3:00 PM-a report pe tura hriattir an ni.