No.326/2020-2021


Chief Minister Pu Zoramthanga chuan vawiin chawhma khan tuna Novel Coronavirus hrileng mek karah khauh zawka ramri venhim a nih theihna turin CM Cabinet Meeting room-ah Home Minister Pu Lalchamliana nen Home Department, Assam Rifles leh BSF hotute bakah sawrkar official pawimawh dangte kawmin sawihona an nei.

Chief Minister chuan Assam Rifles leh BSF hotute chu Mizoram Police leh Village Level Task Force te leh tlawmngai pawl dangte nen thawhhona tha tak an neih a pawimawh thu sawiin, tuna kan hun tawn mek hi hun pangngai ang a nih loh avangin nidang a kan thawh dan baka hma kan lak a tul a ni, tiin kalkhawmte chu a chah.

Chief Minister chuan tuna khawvela hrileng mek laka kan him tlan theihna turin theihtawp kan chhuah vek thu sawiin, Mizoram hualtu ram leh state hrang hrangah vei an awm vek tawh avangin mipui him tlan zawk nan ramri vil hna hi khauh leh uluk zawka kan thawh a ngaih tak meuh thu a sawi a. Myanmar ah pawh covid-19 vei hmuhchhuah belh zel a nih avangin lo luh emawh chhuah ruk tum an awm loh nan ngawrh lehzuala ramri hrulah hian duty a pawimawh a ni, a ti.

He meeting-ah hian Assam Rifles leh BSF chuan ramri hrula an duty dan report pe in, hrilen hnu a hma an lo lak tawh dan te ngaihthlak a ni bawk a.

Vawiin meeting-ah hian Chief Secretary Pu Lalnunmawia Chuango leh Additional Chief Secretary Pu JC Ramthanga te an tel a ni.

Attachment

  • Loading attachment...