No.1294/2020-2020

Mamit 22nd May, 2020 : Vawiin khan DC Conference Hall, Mamit-ah Dr. Lalrozama, IAS, Mamit District Bawrhsap hovin Mamit District chhung mi leh sa, India ram hmun hrang hranga tangkhang mi 567 Quarantine Center-a dah belh turte chungchang sawihoin thutkhawm a ni.

Meeting-ah hian Quarantine Centre thar atana ruahman 11 chu a mawhphurtu Officer Incharge ho-a theihtawpa hrileng laka kan fihlim theihna tura lo dawngsawng a, lo inbuatsaih dan tur chungchang sawiho a ni a. Mipuite chu chi-ai lova, fimkhur tak si-a he hrileng mek dona kawngah hian thuawih tak leh inlungrual taka kan tanrual a ngaih thu tarlan a ni.

Meeting-ah hian Quarantine Center thar tur tarlante chu St. Francis of Assisi School, Mamit Field veng, Govt. Mamit College, Mamit, Tourist Lodge, Reiek, Polytechnic Building - I te bakah Kohhran thenkhatin an Kohhran Hall Quarantine Center atan phal taka hman an phal angin BCM Nazarit Hall, Luangpawl, Presbyterian Kohhran Hall, Field Veng, BCM Mamit High School Veng, Presbyterian Kohhran Hall, Mamit Venghlun, Presbyterian Kohhran Hall, Dinthar, Presbyterian Kohhran Hall, Hmunsam bakah Presbyterian Kohhran Hall, Bazarveng te an ni.

Meeting-ah hian Quarantine Centre Officer In-charge te chu an mawhphurhna hrang hrangte inhrilhhriat nghal niin zawhna leh chhanna hun hman a ni bawk.

Vawiin thutkhawmah hian Addl. SP, SMO, Jt. VC Chairman, Sub Hqrs YMA aiawh, Kohhran hrang hrang hruaitute, Quarantine Center Nodal Officer hrang hrangte bakah thutharthehdarhtute an tel a ni.