No.1295/2020-2020

Nimin khan Lunglei District Level Task Force on Covid-19 leh Lunglei khawpui chhunga veng hrang hrang Village Level Task Force ten meeting neiin inkharkhip thawh lina kalpui mek chungchang an sawiho.

Chairman Pu V. Lalsangliana chuan covid 19 avanga inkharkhip thawhlina May ni 18 atanga  31, 2020 chu a hlawhtlin theih nana hmalak dan tur hrang hrang te leh covid-19 laka chet lak dan VLTF te nena ngaihtuah ho a ngaih thu sawiin Mizoram mi leh sa tangkhang te an rawn haw belh zel dawn avangin kan fimkhur zual sauh a pawimawh a, sorkar in tih tur leh tih loh tur te tha taka zawm tlat turin VLTF leh mipui te a chah a ni.

Inkharkhip thawhlina ah hian ahma aia inthlahdulna lai awm mahse Lunglei khawpui chhungah veng hrang hrang ten khauh tak leh rualkhai taka kalpui dan tur rel a ni. 

Meeting ah hian a hnuaia ami ang hian resolution a siam a ni a. Lunglei District huamchhunga VLTF 129-te chu he resolution ang hian hma lo la theuh tura hriattir an ni:

1.       Lockdown inkaihhruaina-in tul bik thilah lo chuan tumahin mahni in leh compound an chhuahsan tur a ni lo a tih chu tha tak leh hlawhtling taka kalpui a nih theih nan mahni in chhuahsan tur leh pawnlama chhuak tur ten VLTF phalna an lak a ngai a, VLTF ten a hmaa an lo kalpui tawh thin dan angina permit an pe chhunzawm zel ang.

2.       VLTF te duty post siam a, duty chhunzawm zel tur a ni. A remchan dan anga mobile/surprise checking te neih thin tur a ni ang.

3.       VLTF ten inkhuahkhirhna chungchang leh hriattur pawimawh dangte ngawrh takin tlangau hmangin vengchhung mipui hriat turin an puangzar thin ang.