996/2022-2023
Kolasib dated 22nd June 2022: Vawiin khan DC Conference Hall, Kolasibah Pu John LT Sanga, Deputy Commissioner kaihhruaina hnuai ah Competent Authority for Land Acquisition (CALA), Kolasib district, National Highways and Infrastructure Development Cooporation Limited (NHIDCL), Settlement Officer, Divisional Forest Officer leh Kolasib district chhunga 4-lane ina a paltlang tur ram neitu aiawhte leh khawtlang hruaituten thutkhawmna an nei.

He thutkhawmnaah hian NHIDCL-te chuan 4-lane kawng siam hna chu a rang thei ang ber a kalpui tan an duh thu an sawi a, mimal ta anga ngaih mimal enkawl ram leh huan 4-Lane ina a paltlang tur an endik tawhahte chuan hna tan thei tur a hma la vat turin thuneitute an ngen. 4-Lane paltlang tur Kolasib district chhung khaw hrang hrang atanga ram neitu aiawh lo kalte chuan ram endik leh teh fel a nih hnu pawh a hna tan theih tur a ruahmanna a la fel thei lo chu hriatthiam har an tih thu leh harsatna awmte chin fel vat a nih theih nana hma la turin Kolasib DC chu an ngen ve bawk a ni.

Settlement Officer leh Divisional Forest Officer, Kolasib district-te chuan ram lak chungchanga dan dinglai hriattur hrang hrang tarlanna hun an nei a, ram neitute nen sawi zauna hun an hmang bawk a ni.