No.3651/2021-2022

Aizawl, the 13th January 2022: Vawiin chhun khan Dr.H.Lalthlangliana, Deputy Commissioner chuan hrileng do nana Kolasib district chhung a inkaihhruaina kalpui dan tur chungchangah chanchinbumite a kawm a. Covid-19 Appropriate Behaviour, hmai tuam, kut sil tam leh midang hlat a khawsak thiam sa tan SOP chu zawm harsa a nih dawn loh thu Deputy Commissioner chuan a sawi.  

SOP tihchhuah tak hi ni 12 – 31, January 2022 chhung Kolasib district-ah kenkawh tur a ni a mipui vantlang nunphung pangai tibuai lo thei ang ber tur leh Covid-19 lak a him tur ngaihtuah chung a siam a nih thu Dr.H.Lalthangliana chuan a sawi a, “SOP a zalen anga, a bawhzuina erawh chu a hma aiin a khauh ang” a ti. DC chuan Kohhran Inkhawmah COVID-19 laka invenna chungchang uar zawk a inzirtir tur a ngen tum a nih thu leh hemi atan hian Kolasib District Kohhran Hruaitu Committee Meeting neihpui a nih tur thu a sawi a, Kohhran programme kalpui dan tur chu Kohhran hruaitute kutah thui tak a awm thu a sawi.

CAB tha tak a zawm a nih chuan zalen takin kal a nih tur thu leh zawm that loh a nih erawh chuan khauh zawk a inkhuahkhirhna siam leh Curfew thleng pawh a kalpui a nih tur thu a sawi a. “Lockdown leh Curfew ang a kalpui ni lo mah se Kolasib khawpui bik ah chuan chhun leh zan ah Flying Squad Duty-te kaltlangin mipui inzirtirna leh CAB zawm that a nih leh nih loh vil reng a ni dawn a ni” a ti.

School hrang hrangah CAB vawn that a nih leh nih loh Education Department-a hotuten an endik thin ang a, kar tin zirtawpni apiangin District Magistrate hnen ah Report an pe thin ang. District pawn atanga lo lutte chu an thlenna VLTF-te hnenah an inhriattir tur a ni ang.

Positive hmuh chhuah a nih reng rengin Home Isolation tur a nih chuan bialtu VLTF-te hriattir tur a ni a, VLTF-te remtihna in Zonal Magistrate-te’n a tul anga Medical Officer-te rawn a phalna an pek hnuah chauh Home Isolation tih theih a ni ang.

Sub-Division Level-ah VLTF-te koh khawmin intuaitharna neih tum a ni a, VLTF-te mahni khua theuh ah khauh leh zual a CAB kengkawh tur a tih chak an nih tur thu leh dan bawhchhiahte chungah hremna lekkawh zel a nih tur thu DC, Kolasib chuan a sawi.

Ni 12.1.2022 leh 31.1.2022 inkara Kolasib District chhunga COVID-19 dona kalpui dan tur inkaihhruaina thupek : 

Kolasib Dist. inkhuahkhirhna 12-31.01.2022.pdf

Attachment

  • Loading attachment...