635/2025-2026

Dt Kolasib the 16th May, 2025 : Nimin khan Kolasib Bawrhsap Robert C Lalhmangaiha MCS kaihhruaina hnuaiah Competent Authority for Land Acquisition CALA Kolasib District leh CALA Cachar District ten 4-Lane hmalakna kal chho mek zel chungchangah Kolasib DC Chamber-ah meeting an nei.

He meetingah hian Assam-Mizoram inkalpawhna kawngpui 4-Lane Project kal mek chungchang sawiho a ni a. 4 Lane project kal meka chak tak a hnathawh a nih theih nan a hmalak dan tur te, a bik takin Package-2 hnuai, Vairengte khaw chhunga compensate la tihfel loh te pawh chak tak a hma lak a nih theih dan tur te sawi ho a ni. Tuna harsatna awm avanga compensation release loh pawh NHIDCL lam hian an sawifiah a. Tun atanga hun reilo teah chinfel a nih thuai dawn thu an sawi.

Kolasib DC Pu Robert Lalhmangaiha chuan NHIDCL te leh Forest lam chu theih tawp chhuaha mipuite harsatna ngaihtuah chung a, bawhzui ngai apiang bawhzuia, tan la lehzual turin a fuih a. Thil tih tur leh a tul apiang te inthlahrung lo a a hnen thlen thuai thin tur leh hna chak taka thawh a nih theih nan kalkhawm te chu thawhho pui turin a sawm a ni.

Nimin a thutkhawmna ahhian CALA Cachar District lam atang hian Pu Lakshyajeet Gogoi Asst. Comissioner, Pu Vijay Palve DFO, Pu S  Gaurag Deoghne GM NHIDCL, Er. S Debnath PMU  te an lo kal a. CALA Mizoram lam atang hian Pi B Malsawmtluangi Addl DC, Pu Lalthanzuala SDC, Pu Saksham Tyagi NHICL, Vairengte  Joint VC, leh Jt YMA aiawh te an tel a ni.