293/2022-2023

Kolasib dated 26th April 2022: Vawiin chawhnu khan DC Conference Hall, Kolasibah Ni 5-8, May, 2022-a KTP General Conference neih tur atan a lirthei tlan dan tur leh venhimna chungchanga inbuatsaihna kalpui dan sawihona neih a ni a. Pu John LT Sanga, Deputy Commissioner-in he hun hi kaihruaiin Pu Vanlalfaka Ralte, SP, Pu Lallawmawma, Addl. DC, Traffic & Security Committee hruaitute leh hemi kaihhnawih a mawhphurhna hrang hrang latute an tel a ni.


Vawiin thutkhawma tarlan danin lirthei tlan dan enpui tur leh venhimna kalpui tur hian duty tur IR chah belh a nih thu leh Duty-te tawiawm turin NCC Cadet mi 60 bawr vel beisei a nih thu ngaihthlak a ni a. Duty-te hman tur inbiakpawhna khawl pawh engemaw zah chah belh a ni bawk a ni. Kolasib khaw chhung vengtin a Pavalaite chuan Traffic & Security chu a tul angin an tawiawm tur thu leh Dropping Area, Parking Area leh Turning Point-te pawh ruahman fel a nih tawh thu ngaihthlak a ni. Kolasib panna kawng chu siam zawh fel a nih avangin chet sualna a thlen loh nan khawmpui chhim tura lo kalte chu lirthei fimkhur tak a khalh tur a chah nise tih rel a ni bawk.
 
Lirthei tlan dan tur leh hun dan tur hi Ni 2, May 2022 hian enchhinna kalpui tum a ni.

Attachment

  • Loading attachment...