No.2933/2020-2020

July ni 9, 2020-a District Level Task Force, Lunglei thukhawm chuan tun hnaia Lunglei District chhunga Covid- 19 positive-ten hmun hrang hranga contact an neih dan leh hemi chungchang bawhzuinate a thlir a.

Covid-19 positive pahnih-ten lirthei ke an siam tirna ami-te chu an sample lak nghal niin an result a negative a, heng miten lirthei tui an thunna hmunte, BSF-te an inentirna hmun leh an bazar-na hmuna kal leh awmte chhuizui niin an sample lak a ni bawk.

BSF-in an mi leh sate quarantine an kalpui dana thil fel tawk lo awm chungchangah Dt.5.7.2020-ah thupek chhuah niin thuneitu hriat loha hmalakna nei tawh lo tura hriattir an ni a. BSF te hi Dt.6.7.2020-ah hemi chungchang-ah hian meeting neihpui an ni bawk. BSF mi leh sa Covid-19 positive te inentirna (clinic) pawh thu leh awm hma atan dt. 8.7.2020 ah khar a ni a. Heng thil thleng chungchangah hian Dan anga hmalak zawm zel a ni.

Tunhnaia heng thil thleng avanga kawng hrang hranga hmalaknate chu DLTF chuan tha tawkin a hria a, Covid-19 laka invenna tur hian theihtawpa hmalak niin mipuite chiai lo turin kan inngen a ni. Lunglei khawpui chhunga Covid-19 vei hmuhchhuah tharte chetvelna atanga hri inkaidarh theih a nih avangin heng hmuna kalte awmna vengte hian an veng chhunganh Total lockdown an kalpui a, Kan dinhmun ngun taka ngaihtuah a nih hnuin DLTF thukhawm chuan heng vengahte hian total lockdown hi kalpui chhunzawm nise tiin a rel a ni.

Positive-te bulhnaia awm (Primary contact) te sample result thenkhat chhuak a negative tih hriat a ni a. Hetiang hi thil awmdan a nih avangin DLTF chuan District pum huap emaw, Lunglei khawpui pum huap emaw, primary contact awm lohna vengah-te chuan total lockdown kalpui hi a ngai rih lovin a hria a. Mipuite fimkhur taka awm turin leh sorkar-in inkaihhruaina a siamte tha taka zawm turin kan inngenin kan inhriattir a ni. Total lockdown kalpui mekna vengah pawh sample lakte result hriat a nih hnu-ah hmalak zel dan tur ngaihtuah a ni ang.