No.6575/2020-2021

Ramri chungchanga buaina avanga nitin  mamawh lakluh kawnga harsatna chuan zia awm lam a  pan chho a.  State pawn atanga bungrua lakluh kawnga harsatna a awm laia Ni 18.10.2020 –a hriattirna chhuah angin dawrkai/sumdawng tam takten bungrua chheprelh lo leh bungrua an neih sa te a hralh man tur aia to lovin an hralh/zuar tih hriat a ni a. Hetiang hriattirna leh ngenna mipui tana zawmtute chungah lawmthu kan sawi a ni.

Hetih rual hian mi thenkhatin a man pangngai aia to zawka bungrua/thlai hralh an awm tih hriat a ni bawk a. Hei hi chin dan tha lo tak a nih bakah mipui tana phurrit leh harsatna thlen tu  a ni a. Bungrua lakluh kawngah khaihlak emaw harsatna a lo thleng leh a nih pawhin bungrua chheprelh lo leh a hralh man tur aia to lova hralh turin kan hriattir a ni.

 Tunah hian bungraw phur an  rawn lut chhunzawm leh tan mek a. Bungraw phurtu driver leh anmahni puibawmtu lokalte lakah buaina leh harsatna siam lo turin mipui kan inhriattir a. Covid -19 avanga State pawn atanga lokalte lo dawnsawn dan leh anmahniin an tihtur leh tih loh tur SOP chu a la pangngai reng a ni.