District AH&Vety Officer, Lunglei hnen atanga report kan dawn danin tunlai hian Mizoram chhehvel ah Vawk natna, Porcine Reproductive and Respiratory Syndrome (PRRS), Classical Swine Fever leh African Swine Fever a la leng mek niin hriat a ni a. He natna hi Lunglei District ah pawh leng ve thei reng dinhmun ah a ding mek a ni.

Chuvangin, Pi K.lalrinzuali, District Magistrate, Lunglei District chuan Sec 144 of Cr. P.C. 1973 in thuneihna a pek angin a hnuai a mi ang hian thupek a chhuah a ni.

1. Vawk thi reng reng tha taka phum vek tur a ni.
2. Vawk thi reng reng kham ah emaw kawr ah emaw paih mai mai loh tur.
3. Lunglei District chhungah khawi atang mahin Vawk lakluh phal a ni lo.

He thupek hian Director, Commerce and Industries Department leh Director, AH&Vety Department in mimal sumdawng permit/licence a pek te a huam lovang.
4. Lunglei District chhung atangin Vawk lakchhuah phal a ni lo.
5. Vawk talhtute’n Vawk hrisel tha chauh an talh tur a ni.
6. Vawk neitute’n Vawk damlo an hralh tur a ni lo.

He Thupek hian thu leh awm hma chu puan a nih atanga thla 2 (hnih) chhung a huam ang.

He Thupek zawm lote chu Sec 188 of IPC hmanga hrem an ni ang.