No.4435/2020-2021
61 Bn BSF, Zotlang MT area-a awm BSF mi 5 te Covid-19 positive an ni tih hmuhchhuah an nih avangin "BSF main gate chhim lam leh hmar lam main gate (Laipui awmna) inkar" chu regulation 11(1)(b) of The Mizoram Epidemic Diseases (Covid-19) Regulation, 2020 hmangin Dt 12.8.2020-ah containment area atan puan a ni a.
Helai hmun Covid-19 positive te awmna hi tih thianghlim (disinfect) nghal a ni a, helai hmuna kalte contact tracing pawh neih nghal niin contact-te pawh test an ni a, an result chhuak ah Covid-19 an vei lo tih hmuhchhuah an ni.
Hetianga contact tracing neih zawhfel a nih avang leh Covid-19 vei hmuhchhuah an awm loh avangin helai hmun "BSF main gate chhim lam leh hmar lam main gate (Laipui awmna) inkar" containment area a puan a nihna chu vawiin Dt 23.8.2020 tlai dar 1:00 atang hian hlih a ni.
