No.5281/2020-2021

Kawmzawl-a Assam Rifles Camp-a awm mi 17 ten Covid-19 positive an vei tih hmuhchhuah a ni a, heng mi 17 te hi Zobawk PHC, Covid Care Centre-ah dah nghal an ni. Hetianga Assam Rifles hmuna Covid-19 vei hmuhchhuah a nih avang hian helai hmun hi luh leh chhuah phal lohna hmun (Containment area) atana puan a ngai a.

Chuvangin regulation 11(1)(b) of the Mizoram Epidemic Diseases (COVID-19) Regulations, 2020 behchhanin Kawmzawl-a Assam Rifles camp chu containment area atan puan a ni a. Kawmzawl helipad bul Assam Rifles camp chhungah hian Deputy Commissioner-in phalna a pekte, medical duty, security duty, helai hmuna duty pawimawh nei tura ruatte bak mi tumah an lutin an chhuak tur a ni lo.