2280/2023-2024

Mamit the 12th October 2023 : Sawrkar laipuia Ministry of Home Affairs-in mi huaisen, mi dangte nun chhan nana mahni nunna thapa che chhuakte chawimawina, Jeevan Raksha Padak Award (posthomus) dawng tura thlan, Anthony Lalhruaizela, Mamit District chhunga mi hnenah chawimawina hlanna hun chu vawiin khan Mamit DC Conference Hall-ah buatsaih a ni a. He hun hi DC Mamit Pu V.L Remliana'n a kaihruai a ni.

Mamit Bawrhsap Pu VL Remliana chuan Jeevan Raksha Padak chawimawina chungchang sawiin a thian nunna chhan tuma mahni nunna hlantu Anthony Lalhruaizela chanchin chhiar chhuahna hun neih a ni a. Anthony Lalhruaizela chhungte hnenah Jeevan Raksha Padak Award Certificate leh medal hlanna hun a nei a ni.

Anthony Lalhruaizela aiawhin Pu Lalthansanga, Dawrpui Vengthar chuan thusawina hun a nei bawk a ni.

Anthony Lalhruaizela hi kum 23 niin Pi Vanlalzapi, Pukzing, Mamit District fapa a ni a. Indian Army-ah in enroll in Assam Regiment, 12th Assam 320 - Batch, 2017 a ni. A thih thlengin he hna hi a chelh a ni.

Anthony Lalhruaizela hian Kanpur atangin chawlh la in Aizawl (Dawrpui Vengthar) chu ni 7.12.2021 ah a thleng a. Ni 13.12.2021 ah a thiante nen Tlawng bul, Azuali Falls ah an kal a, a thianpa Lalmawipuia, kum 26 chu Tlawng tui khauh takin a tui hleuh chu a la tih a hriatin Anthony Lalhruaizela hian a thianpa nunna chhan tumin tui ah a lut a. A thianpa nunna chhan tuma a beih laiin Tlawng tui khauh tak mai chuan la in a nunna hi a chan ta a ni.  

Jeevan Raksha Padak hian Medal, Certificate leh ₹ 1 lakh a keng tel a ni.