2158/2023-2024
Mamit 4th October, 2023 : Tunlaiin kan ramah leh thenawm state-ah Vawk natna African Swine Fever (ASF) hrileng mekin ziaawm lam a pan theilo a. He hri laka Mamit District mipuite ranvulh an him zawk theih nan Pu V.L. Remliana, District Magistrate, Mamit District chuan Section 144, Cr.PC, 1973 in thuneihna a pek angin a hnuaia mi ang hian thupek a chhuah:-
1. Mamit District chhungah ASF hrileng awmna District/ State leh APEDA pawmpui farm nilo atangin Vawk, Vawksa leh Vawk atanga siam reng reng lakluh khap tlat a ni. Amaherawhchu ASF hrileng awm lohna State leh APEDA pawmpui farm atangin Vawksa leh Vawksa atanga siamchhuah thilte chu lakluh phal a ni. a lalut turte chuan Director, AH&Vety Department, Govt of Mizoram hnen atanga phalna la hmasain Sawrkarin hemi chungchanga inkaihruaina Standard Operating Procedure (SoP) a siamte an zawm tur a ni
2. Vawk damlo leh hrisel lo reng reng eitur atana hralh leh talh khap tlat a ni
3. Vawk thi reng reng Chinai thi/ Bleaching Powder nen thuk taka phum tur a ni a, khamah leh ramhnuaiah paih mai mai tur a ni lo.
4. Hrileng darh zel loh nana Vawk suat duh tan District AH& Vety Department, Mamit-ah dilna thehluh tur a ni.
He thupek bawhchhetu chu Section 188, IPC hmangin hrem theih an ni ang. Thupek hi hnuhlet a nih loh chuan chhuah a nih Dt. 26th September, 2023 atanga thla hnih chhung a huam ang.
