4591/2025-2026

Dated Serchhip, the 25th February, 2026: Lenga cham mek Serchhip DC Pu Paul Khuma chuan vawiin khan East Lungdar Area MUP Conference, Leng Saihnuna Hall-a neih chu khuallian niin a hmanpui.

DC chuan MUP member te chu an naupan laia an nu leh pa te thu an awih avangin vawiin thlengin Pathian malsawmna leh kaihhruaina an dawng a ni, a ti a. Upa te chu kan khawtlang nunah an pawimawhzia hriaa tha tho taka tel zel tur leh hma hruaitu ni zel turin a sawm a. An tu leh fate tawngtaisaka kaihhruaitu ni zel turin a chah a ni.

Japan-a Okinawa chu khawvelah kum 100 chunglam dam thleng tamna ber a ni a. Mi thiamte zir chianna atangin, dam rei an tamna chhan lian tak chu, kum upa te anmahni chauha khawhar taka awm loin an inkawm hlim thin, tih a ni a. Hetiang kawngah hian Mizoten MUP kan nei hi kan vannei hle a ni, tiin Pu Paul L Khuma chuan MUP hruaitute pawimawhzia hre thar leh turin a chah a ni.

Vawiin programme hi Lungdar Area MUP President Pu C Bawizuala’n a kaihruai a. Conference inkara an member thi mi 27 (mipa - 23, hmeichhia -4) sunna hun an hmang a. Chawhnu lamah Lengkhawm Zaia intihsiakna hun an hmang a ni.