4592/2025-2026

Saitual, the 25th February, 2026: Vawiin khan DC Conference Room, Saitualah, Saitual District Planning Committee chu an chairperson, District Bawrhsap ni bawk, Pu Srinivas Sadi kaihhruainain an thu khawm.

He hunah hian District Bawrhsap Pu Srinivas Sadi chuan thu a sawi a, department hrang hrang hotute chu Mizoram District Transformation Programme hnuaiah District Catalytic Intervention Plan (DCIP) siam tura tih an nih angin, an proposal thehluh te sawihona an nei dawn a ni, a ti.

Bawrhsap chuan hmasawnna chu hmun khatah chauh thleng lo se a duh thu a sawi a, MLA bial tinah project te pawh insem darh theih ni se, khawtlang mipui pawhin a huap zau zawkin an chhawr thei dawn a ni, a ti. Pu Srinivas Sadi chuan district tana tha ber tur leh khawtlang tana hmasawnna thlen thei tur project tha tak tak DCIP atang an neih theih ngei a beisei thu a sawi bawk.

Mizoram District Transformation Programme hnuaia department hrang hrangin District Catalytic Intervention Plan an siam te chu line department hotuten an sawifiah a, DPC-ina pawmpuite chu State level-ah thehluh a ni ang a, hemi zawh hian Ministry level-ah hma lak tur a ni ang.

Vawiin thutkhawm hi Pu Srinivas Sadi, DPC Chairperson & DC chuan kai hruaiin, Pi C. Lalnunsiami, SRO-cum Under Secretary, P&PID, DPC member secretary ni bawk bakah DPC member te an tel a ni.