No.7779/2020-2021

Mamit 12th March, 2021 : Vawiin khan DC Conference Hall, Mamit-ah Dr.  Lalrozama, IAS, District Bawrhsap hovin DCC/DLRC/DLSC thutkhawm a ni.  

Meeting-ah hian Mamit District chhunga Bank hrang hrangte hnathawh dan December Qtr 2020 thleng thlirho niin Loan hrang hrang pekchhuah kawngah an dinhmun leh harsatna an neihte zirchiana thlirho a ni a,  Bank hrang hrangte hi an mahni zawn theuha tan la tura in fuih thar a ni bawk.  Bank hrang hrangte CD ratio tarlan niin December 2020 quarters-ah norms chu 60% a nih laiin, CD ratio hi 55.78% a ni a. Last Qtrs CD ratio hi 48.96% a ni.

Meeting-ah hian Financial Year 2020-21 chhungin PMEGP hnuaiah target 83 ah mi 39 te Loan pek chhuah an ni a. SHGs hnuaiah hian Group 189 te hnenah loan Rs 189.00 lakhs pekchhuah tawh a ni a. Group 42 te'n Account an hawng thar bawk.

Vawiin Meeting-ah hian Security leh Currency Management chungchang sawiho niin Bank hrang hrangte hian harsatna an tawh loh thu an sawi a ni.

Pu Beitlotha Nohro, SDC, Mamit- in meeting-a a tarlan danin Sawrkar laipui-in Financial Inclusion) Aspirational District Programme-ah tun aia mipui te'n kan hlawkpui theih nan Department of Financial Services (DOFS) chuan ( Targetted Financial Inclusion Invention Programme) TFIIP chu Aspirational District 112-a hman tura chhawp a ni a. Mamit District-in financial Inclusion-a hma a sawn theih nan Pu Arvind Kant Thakur, DGM, SBI chu Nodal Officer atan ruat a ni bawk. TFIIP hnuaiah hian District chhunga Bank Branch tin te'n an bial chhunga khawtinte tlawhin Bank Account hawnsak bakah Social Security Scheme - APY, PMSBY, PMJJBY te mipui hman theih tura chhawpchhuak tura hmala turin Branch Manager tinte hrilhhriat an ni bawk a. Hei bakah hian Banking Service Km - 5 bial chhung khaw tin te'n service tha taka an hmuh theih nana hmalak tum a ni bawk.

Meeting-ah hian Committee members-te an tel tha hle a ni.