No.7780/2020-2021

Mamit 12th March, 2021 : Vawiin khan Dr. Lalrozama, IAS, District Bawrhsap hovin District Level Task Force Committee on PMEGP thutkhawm a ni.

Vawiin meeting-ah hian Kum 2020 - 2021 chhunga PMEGP Loan pekchhuah dan thlirho a ni a. Kumin financial year chhung hian target 83-ah mi 39 te hnenah Loan pekchhuah tawh niin Rs 50.18 lakhs hman ral a ni a. Online hmanga dilna thehluh a nih tak avanga harsatna awm theite meeting-ah hian sawiho a ni bawk.

Pu Lalbiakzuala Aineh, SDIO, DIC Mamit-in a tarlan danin PMEGP hnuaia Loan dilna hi Online hmangin eng hunah pawh dil theih a ni a, dilna lutte hi a buaipuitu Agency te'n endikin a fel chin leh Score card atanga mark 60 hmu pha chinte dilna chu Bank-ah thawn luh zel a nih thu a sawi.

PMEGP Sheme hi khawpui leh thingtlang a chengte'n thil siam hmanga eizawnna bul an tan theihna tura duan a ni a. Thil siamna lam (Manufacturing sector)-ah Rs 25 lakhs aia tamlo leh sumdawnna leh mipui rawngbawlna lam (Service Sector) atan Rs 10.00 lakhs aia sanglo dilna siam theih niin India hmarchhaka awmte tan Sawrkar tanpuina 35% dawn theih a ni bawk.

Meeting-ah hian District Level Task Force Committee on PMEGP members-te an tel a ni.