No.7781/2020-2021

Dated Kolasib: the 12th March, 2021: Kolasib District chhunga leilet/huan nei zawng zawngte, an leilet/huan enkawltu tur midang inchhawr chungchangah, Kolasib District Magistrate chuan a huaia kaihhruaina hi zawm theuh turin a hriattir a ni.

1.         Leilet/huan hnathawka an chhawr reng reng a theih chen chenah zohnathlak ngei   chhawr tum tur a ni.

2.         Leilet/huan hnathawk chhawr tur zohnathlak hmulo tan, Mizoram khua leh tui diktak chauh chhawr tur a ni.

3.         Leilet hnathawk chhawr tur, a chunga Sl. No 1 & 2 a sawi zohnathlak emaw Mizoram mi leh sa diktak chhawr lo chuan a hnuaia mi hi an zawm ngei ngei tur a ni.

            i) Hnamdang Mizoram pawna mi chhawr reng rengin, an mi chhawr tur te ILP an siamsak ngei ngei tur a ni.

            ii) ILP siamsak lo a hnamdang chhawr an awm anih chuan an chungah dan anga action lak a ni ang.

            iii. Sawrkarin ngaihhnathiamna a pek te tiam lo in, ILP neiloin State pawn lam mi (non ST) mi tumah chhawr phalh a ni lo.

4.         State pawn leh chhunga hnamdang mi chhawr reng rengin an mi chhawrte an chhawr hmain intiamkamna (agreement) felfai tak an ziahpui ngei tur a ni. Intiamkamna (agreement) an siamah hengte hi tihlan ngei tur a ni.

            i) A neituin rem a tih chen chauh an leileta chen leh enkawl phalsak an ni tih thu ziah tel tur a ni.

            ii) Agreement hi hunbi/hunchhung neiin siam tur a ni.

5.         Inhmun-lo ram reng reng Scheduled Tribe nilo hnena hralh hi dan kalh anih avangin, inhmun-lo ram hralh tur ten duh duh hnenah hralh ngawt loh tur a ni.