2037/2023-2024

26.9.2023 : New Delhi-a cham mek DCMA (District Council and Minority Affairs)Minister Pu Robert Romawia Royte chuan Union Minority Affairs Minister Pi Zubin Irani chu a pisaah a kawm a. DCMA Minister hian PMJVK hnuaia project-te chu Mizoram tihmasawntu lian tak a nih thu leh hnathawh zawh chin pawh sum dawn tawh aia a tam zawk fe thu a hrilh a, Mizoram chu PMJVK scheme titha ber state a nih a rin thu a hrilh a, 2nd instalment sum la release lohte rang taka release turin Union Minister chu a ngen a. Kumin atana Annual Plan pawh a sawipui bawk.

Union Minority Affairs Minister Zubin Irani chuan PMJVK 2nd Instalment chu a release nghal tur thu Minister Pu Roberta hi hrilhin kumin atan Mizoram sum ruahman pawh a lo ngaih pawimawh tur thu a lo hrilh bawk.

DCMA Minister hian Union Minority Affairs Secretary K.Srinivas pawh kawmin, Mizorama Bru leh Chakmate tihhmasawnna tur projects te an sawi dun a ni.

Vawiin vek hian Tourism Minister Pu Robert Romawia Royte chu Tourism Ministry-in an sawm angin World Tourism Day hmanna Bharat Mandapam-ah telin Best Tourism Village Award 2023 Tourism Ministry-in Reiek an pek chu Reiek VCP Pu Lalrozama nen an dawng a ni.

Minister hi Pu Alex V. Chawngthu, MCS, Resident Commissioner leh Pu V.Lalengmawia MCS Tourism Joint Secretary ten an tawiawm a ni.