3284/2023-2024

Aizawl, the 9th January 2023: Vawiin chawhma khan Chakma Autonomous District Council hotute chuan District Council & Minority Affairs Minister Pu C. Lalsawivunga a office chamber ah an kawm a, he inkawmnaah hian CADC CEM leh MLA ni bawk Pu Rasik Mohan Chakma leh EM te, CADC official thenkhat te an tel.

CADC hotute hian Minister hnenah hian an harsatna te thlenin, an district council hmasawnna tura an rawtna te, Central scheme an district tana hman ve an duh thu te an thlen a. Minister chuan scheme hrang hrang te chu Mizoram intodelhna atana tangkai taka hman tum a nih thu a sawi a, mipui sawrkar a nih angin Chief Minister kaihhruaina hnuaiah Ministry policy tihlawhtling turin theihtawp chhuah a tum thu a sawi bawk.  Art & Culture Department changtu ni bawk Minister chuan  Kut ang hunpuiaah te pawh Chakma unaute nena cultural exchange neih tha a tih thu a sawi bawk.