Vawiin chawhnu dar 2 khan DCs Conference Hall, Saiha-ah khawtlang nun siamthatna kawnga District chhung harsatna hrang hrangte ngaihtuahin District Bawrhsap Pu Kunal IAS hovin meeting neih ani. He meeting-ah hian Dan leh thupek kenkawh chungchangte, Ruihhlo leh a kaihhnawih thil hrang hrang ven dan turte leh kumtlinglo pawngsual lo hluar mekte pawh a ven dan tur ngaihtuah ani a. Meeting-ah hian Pi Suman Goyal IPS, S.P. Saiha bakah Department hrang hrang hotute, Saiha khawpui chhunga Tlawmngaipawl hrang hrang hruaitute leh Chanchinbu mite bakah Local Cable TV neitute an tel tha hle ani.