No.6318/2020-2021

Central Sawrkar chuan “One Nation One Ration Card” hmang tura inbuatsaihna kal zelah National Portability of NFS (National Food Security) Ration Card kalpui tur a ni dawn a. Hemi tihlawhtling tur hian Ration Card leh Aadhaar Number thlunzawm vek tur niin, kan awmna hmun apiangah State dang ah pawh nise, ration kan lak zel theih nan Ration Card chu chhawm kual theih tura buatsaih a ni dawn a. Aadhaar nena thlunzawm loh member te chu loh theih lohva paih (delete) a tul hun a la thleng dawn a ni.

He hna hian Aadhaar Number nei lo te a nghawng dawn avangin Retailer atanga ration la zel duh turte chu Aadhaar enrolment ti thuai turin kan inhriattir nawn leh a. Aadhaar enrolment hi district tinah D.C. Office-ah tih theih a ni.

Tin, Aadhaar Number nei tawh te pawh Ration Card thlunzawm nan hian Aadhaar Number ringawt a tawk lova. Ration Card leh Aadhaar-a hming ziah dan, Date of Birth etc., inmil thlap a ngaih avangin Retailer tin te kaltlanga Aadhaar Card photo copy (Xerox) khawn kual mek a ni a. Mi tinin lo ngai pawimawh theuh turin kan in ngen e.