Doordarshan chuan April ni 17 (Inrinni) tlai dar 3 leh dar 4 inkarah DD Bharati a Chief Minister Pu Lal Thanhawla Live a kawmna a buatsaih dawn a. DDK Aizawl Studio a thu tur Pu Lal Thanhawla hian Hmarchhak bial, a bikin Mizoram hmasawnna chungchang thute a sawi zawhah New Delhi Studio a thu mi sawmbik ten Live in an kawm ang.
He rampum huap programme hi DDK Aizawl bakah ram chhunga DD Kendra zawng zawngin April ni 18 (Pathianni)-ah chawhma dar 10 leh dar 11 inkarah DD National-ah an chhuah bawk ang a. Tlai dar 6 leh dar 7 inkarah DD News (National) leh DD India-ah chhuah a ni leh bawk ang. DD Bharati, DD National, DD News leh DD India-ah Pu Lal Thanhawla kawmna hi chhuah chhawng vek turin Mizoram a Cable TV operator zawng zawng te pawh ngen leh hriattir an ni.
