Pu Lalrinliana Sailo, Health & Family Welfare, Trade & Commerce etc. Minister chuan ni 13.4.2010 khan Aizawl chhuahsanin Tlabungah a riak a. Ni 14.4.2010 zingkarah Leprosy Hospital leh Tlabung Damdawiin te a tlawh bakah Trade & Commerce Building sak mekte tlawhin Kawrpuichhuaha Border Trade hmun turte fangin, Bangladesh leh India inrina Kawrpui luia lei dawh dan tur remchangte a hmunah a en. Hemi hnuah hian Borapansuri-a PHC Building sak mek chu a hmunah en lehin Chawngte CHC a tlawh leh a. Heng hmun a tlawhah hian Lunglei District atangin Dr F.Lallianhlira, CMO Lunglei, Dr Lalzawmliani leh Tlabung SMO te leh staff dangte’n tawiawmin ruahmanna tul ang angte sawiho nghal a ni.
Minister hi ni 14.4.2010 zan dar 9:30 ah Lunglei-ah riakchhoin ni 15.4.2010 zingkarah Trade & Commerce building leh Lunglei Damdawi In te a tlawh leh nghal a ni. Minister hi Aizawl atangin Pi Esther Lalruatkimi, Secy. Trade & Commerce, Pu Zirliana, Jt.Director, T&C, Pu C.Thangchhuana, SMEMO, Health Department leh Official engemawzatin an tawiawm a, zing chaw eikhamah Aizawl panin an chhuak leh ta a ni.
