2351/2023-2024

Mamit the 18th October, 2023 : Nimin khan Doordarshan Aizawla Joint Director leh Head of News hna chelh mektu Pu Nampibou Marinmai, IIS chuan Mamit tlawhin Pu V.L Remliana, Mamit Bawrhsap chuan a office chamber ah kawmna hun a nei.

Mamit Bawrhsap office chamber a an inkawmna-ah Pu Nampibhou Marinmai chuan Addl. CEO Pu Lianzela hmalaknaa hlawhtling taka Mamit an tlawh thei chu lawmawm a ti a, Mizorama Central Media DDK & AIR te bakah Field Publicity-te hmalakna hrang hrang sawifiahin, Press Information Bureau (PIB) kaltlanga State sawrkar chetvelna hrang hrang puanzar a nih dan tlangpui a sawi a, sawrkar laipui hmalakna hrang hrang Mizoram State chhunga District hrang hranga kalpui a nih dan te uar zawk leh nasa zawka media kaltlanga puanzar a nih theihna tura thawhpuiah Mamit Bawrhsap leh a thawhpuite a sawm a ni.

Mamit Bawrhsap Pu V.L Remliana pawhin MLA Election lo awm tura Mamit District chhunga inpuahchahna hrang hrang leh District dinhmun tlangpuite lo hrilhin, a theih ang leh a tul anga thawhho pui an nih zel dawn thu a sawi bawk a ni.

Pu Nampibhou Marinmai hi, Delhi lam DDK mi leh sa te, Mamit DIPRO Dr. Saithantluangi Zote leh Mamit a DDK news stringer leh AIR PTC te'n an tawiawm a.

Nimin vek khan Mamit District chhunga Unique Polling Station awmna Dilzawl an tlawh bawk a ni.