2352/2023-2024

Khawzawl, 18th October 2023: Mizoram Inthlanpui November ni 7 a neih tura inpuahchahna chu chak takin Khawzawl District-ah pawh kal pui mek zel ni a. Vawiin khan District Election Officer Pu K. Lalrohlua hovin 22-Tuichang (ST) A/C a hman tur Electronic Voting Machine (EVM) 1st Randomisation neih a ni.

He hunah hian Khawzawl District Strong Room-ah hian Electronic Voting Machine Balloting Unit - 50, Control Unit - 57 leh VVPAT - 48 a awm tih tarlan a ni a. 1st randomisation-ah hian Tuichang bial chhunga  EVM hman tur (reserve tur telin)  thlan chhuah a ni. 2nd randomisation hi October ni 23 hian neih leh tur a ni a, he hunah hian computer hmangin EVM leh VVPAT te kalna tur Polling Station thlan fel a ni ang a. October ni 30 leh ni 31 hian EVM te hi inthlana hman turin buatsaih (commissioning) an ni ang.