2353/2023-2024

Hnahthial the 18th October 2023: Vawiin khan DC Office, Hnahthial-ah MLA General Election 2023 a vote thlakna tur hmanruate thliar fel hna (randomization of EVM) thawhkhatna neih a ni.

Election Commission of India ruahmanna angin randomization thawhkhatna (1st randomization) ah hian South Tuipui Assembly Constituency huam chhunga Polling Staion 27 a hman tur te thlan chhuah niin Electronic Voting Machine (EVM) 60 atangin Control Unit 32 (27 PS + 5 reserve) , Ballot Unit 32 (27 PS + reserve) leh Voter Verifiable Paper Audit Trial (VVPAT) 35 (27 PS + 8 reserve) thlan chhuah a ni. Vawiin randomization-ah hian EVM leh VVPAT te chu computer software hmangin duhthlan bik awmlo a kaltir a ni a, Hnahthial District Election Officer Pu Chuauhnuna’n randomization khawl hi a hmet a ni.

1st randomization hunah hian DEO Pu Chuauhnuna bakah South Tuipui AC RO, Addl DC ni bawk Pu Lalvenhima te, ARO leh SDO (S) Pu Neng Thianlala te, Election Officer Pu Lalbiakfela te, SDC Pi Betty Lalrinfeli bakah political party hruaitu aiawhte leh chanchinbumite an tel a ni.