2904/2023-2024

2023 Pawltlak thla ni 1: Vawiin khan Sr Superintendent of Police, Kolasib District Pu Lalrinawma Traite chuan Mizoram State sawrkar Notification No. B. 12021/18/94-TRP dt. 25.09.2007 leh Section 115 of Motor Vehicle Act 1988 (Act No. 59 of 1988)-in thuneihna a pek angin lirthei chet vel dan turah a hnuaia mi ang hian thupek a chhuah.

Meidum aṭanga Hortoki Road Rigid Pavement/Concrete Road chu Vinco Construction te'n siam ṭhat hna an thawk mek a. Ṭha zawk leh chak zawka an thawh theih nan a hnuaia mi ang hian dt. 01.12.2023 aṭanga dt. 31.12.2023 thleng kawng khar leh hawn hun ruahmanna siam a ni:

Kawng khar hun chhung - Dt. 01/12/2023 aṭanga Dt. 31/12/2023

Kawng khar nite - Thawhlehni aṭanga Inrinni

Lirthei tlan theih nite - Chawlhni leh Thawhṭanni

He thupek zawm lo chu 177 MV Act hmanga hrem an ni ang. He thupek hian ṭul bik thila Police, Fire Department, Ambulance leh Magistrate-te chet velna a huam lo ang.

He thuchhuah chungchanga harsatna tawk emaw, report neite chuan OC Kawnpui PS (Ph. No. 8794723770) / OC Bairabi PS (Ph. No. 9862384738) / Site Manager (Ph-7005020275) / Assistant Site Manager (Ph-8415847298)-ah te biak theih reng a ni.