2905/2023-2024

Khawzawl 1st. December, 2023 : World AIDS Day 2023 pualin vawiin chawhma dar 11:00 khan Khawzawl Vengthar Chhipchhuan Bazar Waiting Shed-ah Distric AIDS Prevention and Control Committee bultumin HIV/AIDS chungchang inhrilhhriatna neih a ni.

He hunah hian khuallian Addl. D.C. Pu Lalfakzuala chuan kumin World AIDS Day-ah hian thupuiah 'Let Communities Lead' tih hman a ni tih HIV/AIDS do turin chhungkua atanga bultan a pawimawh tih a sawi a. Mizoramah hian Sawrkar tiatin NGO a lian a, Kohhran leh Association pawh kan thahnem a ni tiin kumin World AIDS Day thupuiah 'Let Communities Lead' tih hman a nih angin kohhran leh NGO te pawhin HIV/AIDS chungchangah ke pen nasa leh zual se a duh tih a sawi a, Awareness kan pek that chuan kan inveng thei a ni tiin World AIDS Day pual hian kan tih theih ang te kan tih a tul a ni a ti.

He hunah hian Dr. Albert Lalhminghlua, Medical Officer, District Hospital, Khawzawl leh Pu Lalrammawia Ralte, Project Manager, CODNerc DIC, Khawzawl ten HIV/AIDS chungchanga hriat tur pawimawh te an sawi a ni.