2906/2023-2024

Dated Siaha 1st December 2023 : Vawiin chawhma khan DRDO Conference Hall-ah 39-Saiha (ST) A/C leh 40-Palak (ST) A/C - a Counting Supervisor, Counting Assistant leh Micro- Observer- te tan training hnuhnung ber neih a ni.

Vawiin training program- ah hian Pi R. Lalnunkimi leh Pu Ngurthansanga, Asst. RO 40-Palak (ST), Pu J. Lalhmahruaia Asst. RO 39-Saiha (ST), State Level Master Trainer- nibawk te chuan PPT hmangin zirtirna an pe a. Counting Supervisor, Counting Assistant leh Micro-observer-te mawhphurna hrang hrang (duties & responsibilities) bakah Vote chhiar ni a hman tur Form hrang hrangte awmzia leh a hman dan tur te uluk takin zirtirna peiin sawifiahna an nei a. EVM-a vote tla te chhiar dan tur hi practical- a zirhona neih nghal a ni bawk.

Siaha District-a Assembly Constituency pahnih a vote tlate chhiar tur hian Counting Supervisor- 21, Counting Assistant - 21 leh Micro-Observer 25 ruat an ni a. Vote chhiar ni a duty tur te hi zing dar 7:00- ah Vote chhiarna hmun tur Government Siaha College-ah in report tura hriattir niin, zing dar 5:00- ah duty- tur te hi Computer hmangin thliar fel (randomize) leh an ni dawn a ni.