2907/2023-2024

Lawngtlai dated 1st December 2023: Vawiin chhun khan Pu Joseph H.Lalramsanga, District Election Officer chuan Lawngtlai district-a MLA inthlan a vote tla chhiarna hmun tur, Counting Centre, Govt. Lawngtlai College a tlawh a. Inbuatsaihna hrang hrangte endikin Counting Agent, Superintendent of Police, Returning Officer, leh Assistant Returning Officer-te an tel a ni.

Counting Hall pathum awmna Govt. Lawngtlai College-ah hian 36-Tuichawng leh 37-Lawngtlai West AC-a vote tla chhiar nan Counting Table 14 ve ve leh VVPAT leh Postal ballot chhiarna table 1 a awm a. 38-Lawngtlai East AC-a vote tla chhiar nan hian Counting table 11 leh VVPAT leh Postal Ballot chhiarna tur table 1 a awm bawk a ni. Counting Hall-te hi venhimna uluk tak hnuai a vil niin CCTV vuah vek a ni a, Vote tla chhiar tur hian mi 197, Counting Official atan ruat an ni. Counting Superviser leh Counting Assistant Superviser tur a ruat te chu chawhma lam khan DC Conference Hall ah Training neihpui leh niin chawhnu lam ah Counting Micro Observer tura ruat te chu Pu Collin Hlycho, BDO, Lawngtlai chuan training a pe a bawk a ni.

Mipui ten vote tlak dan dinhmun an hriat zung zung theih nan mumal tak a Result puanchhuahna hmun, Media Centre buatsaih a ni a. Hemi bak ah hian internet hmangin results.eci.gov.in website ah result hi a en theih dawn bawk a ni.