2908/2023-2024

Aizawl, 1st December 2023: Ek Bharat Shreshta Bharat hmalakna hnuaiah Governor Dr Hari Babu Kambhampati chuan vawiin khan Durbar Hall, Raj Bhavan-ah Nagaland State Day leh Assam Day( Asom Day) lawmna hun a buatsaih.

Assam State hi ni 26, January 1950 khan India Sawrkar hnuai state a no tawh a. Mahse, Kum 1996 atang khan, kumtin, December 2 hi Assam-ah chuan Sukaphaa Divas tiin emaw Axom Divas (Assam Day) tia hman ziah a ni tawh a. Hei hi Patkai tlang rawn kal pela, Ahom Lal hmasa berin Assam luhna ni hriatrengna atan hman a ni. Hetih lai hian, Nagaland hi December 1, 1963 khan state a puan a ni a, Indian Union State 16-na a ni thung.

He hun pawimawh tak, Raj Bhavan a thlengtu, Governor Dr Hari Babu Kambhampati chuan state pahnih mipuite lawmpuina thu a sawi hmasa a.Assam leh Nagaland te State anga a lo pian theihna tur hruaitu hmasa leh theihtawp lo chhuahtute zahna chibai a buk bawk a ni.

Governor chuan State dangte din chaminlawmpuina hian state danga chengte nena inpawhna tha zawk leh India ram anga inpumkhatna a siam tih a sawi a. Hnam dang te nena in thiantha tur chuan an culture leh an nunphung te kan hriat a, Kan zah sak a pawimawh a ti.

Assam State chungchang video clip leh Nagaland State chungchang video clip te enhovin program hi tan a ni a.

State pahnih te aiawhin zirlai hruaitu pahnih -  Pu Nganloi Phom, President, Naga Students Union, Mizoram University leh Mr. Biki Hazarika, President, Assam Association, Mizoram University   te hnen atangin thu tawi ngaihthlak a ni a.   MZU Vice Chancellor Prof. Dibakar Chandra Mr. Biki Hazarika, Assam mi leh Dr. Aosenen Ozukum, Research Associate, MZU, Nagaland State mi  te pawhin an state  leh an culture chungchang te an sawi bawk a ni. Cultural Item, zai leh lam te he hunah hian a tel bawk a ni.