2909/2023-2024
Aizawl, the 1st December, 2023: Election Commission of India (ECI) chuan zanin khan General Election to the Mizoram Legislative Assembly, 2023 atana vote chhiar ni tura ruat December ni 3, 2023 (Pathianni) chu a tuk December ni 4, 2023 (Thawhtanni) ah sawn a nih thu a chhuah.
Election Commission of India chuan October ni 9, 2023 khan Press Note No. ECI/PN/57/2023 kaltlangin State 5, Chhattisgarh, Madhya Pradesh, Mizoram, Rajasthan leh Telangana-a inthlanpui General Election to the State Legislative Assembly, 2023 kalpui dan tur a puang a, vote chhiar ni atan December ni 3, 2023 (Pathianni) chu ruat a ni.
Sunday hi Mizoram mipuite tana ni pawimawh a nih avangin vote chhiar hun sawn tura dilna leh ngenna nasa tak Mizoram atanga dawnte ngun taka a ngaihtuah hnuah ECI chuan General Election to the Mizoram Legislative Assembly, 2023 atana vote chhiar hun tura ruat December ni 3, 2023 (Pathianni) chu a tuk December ni 4, 2023 (Thawhtanni) ah a rawn sawn ta a ni.
Vote chhiar ni thlak tih loh chu General Election to the Mizoram Legislative Assembly, 2023 kalpui kawnga schedule siam dangte erawh thlak a awm lo a ni.
