2910/2023-2024

Mamit 2nd December, 2023 : Tukin khan Mamit Bazar hmunah District AIDS Prevention & Control Committee (DAPCC) huaihawtin World AIDS Day - 2023 'Let Communities Lead' tih thupui hmangin hman a ni.

Dr. Lalnuntluangi Khiangte, Member Secretary (DAPCC/DACO chuan World AIDS Day kumtin December Ni 1 a hman thin chu kumin bik atan, kan thupuiin a tum angin Mamit Bazar hmunah mipui tam laia hman duh avangin Bazar Ni ah hman a nih tak thu a sawi. HIV/AIDS chu a thawktu mitlemte te'n kan do hneh ta lo a, India ram puma kan dinhmun enin khawtlang mipui, tupawhin a do hna kan thawh a tul ta a ni a ti. HIV/AIDS vei mekte, endawng leh enhranna paih bo a, a do tura hmalak tul tawh zia hre thar a, do zel turin kalkhawmte a sawm a. He natna kan vei leh vei loh inhrechiang turin engtik lai pawhin ICTC Mamit-ah Councillor tha tak hnuaiah test theih reng a nih thu a sawi bawk.

Dr. Lalrintluangi ART pawhin HIV/AIDS do tura hmalak chu hnam thil tak pawha chet kan lakna tur a nih tawh thu sawiin, Mamit District chhung dinhmun leh HIV/AIDS do tura hmalakna tur hrang hrangte a tarlang bawk.

He hunah hian Pu Donald Lalruatfela ICTC Lab. technician chuan lawmthusawina neiin, Mamit khawpui chhunga sawmbikte an tel a ni.