Information & Public Relations Department leh Mizoram Youth Commission buatsaihin New Delhi-ah Art Exhibition, 2018 nimin khan tan a ni.

‘Colours of Mizoram’ tia vuah Art Exhibition hi Jawahar Bhawan, Dr. Rajendra Prasad Road, Cannought Place, New Delhi-ah neih a ni a, Rajiv Gandhi Foundation, New Delhi nen tangruala buatsaih a ni.

‘Colours of Mizoram’ ah hian Mizo Artist te kutchhuak 38 phochhuah a ni a. Acrylic Painting 25, Water Colour Painting 9 leh Sculptor 4 Aizawl atanga ken thlak a ni. Sadhbhavna Series chhunga programme ‘Shanti se Shakti’-ah exhbition hi telh a ni.

Nimin tlai dar 4 atang khan Art Exhibition hi hawn a ni a. Hawn anih atanga reiloteah tlawhtu a ngah hman hle a ni. Tlawhtu tamtak zingah Dr. Vijay Mahajan, CEO, Rajiv Gandhi Foundation te, Dr. Syeda Hameed, Former Member, Planning Commission, Pu Lalnunmawia Chuaungo, IAS, Delhi Mizoram House Addl. RC Pu David Lalthantluanga bakah Delhi-a artist lar leh critics engemawzat te an tel a ni.

Mizoram atang hian Pi K.Vanlalsangi, Deputy Director, I&PR leh Pi Zothanpari, LDC, I&PR te an kal a. MADS member te Zonunchami, JV Lianthansanga leh V.Laltlanmawia, Treasurer, MADS te an kal bawk a ni.

Art Exhibition hi ni 19.11.2018 ah khar a ni ang.