Sorkar laipui DoNER Ministry chuan Delhi khawpuia hmarchhak state zirlaite himna turin rawtna hrang hrang hmarchhak state te hnenah a thlen a. Mizoram Chief Secretary hnenah pawh hemi chungchang hi rawn hriattir ve niin Delhi khawpuia Delhi zirlaite tana hriattur pawimawh tak tak a tarlang a ni.
Hmarchhak state zirlaiten harsatna hrang hrang an tawh thin avang hian Ministry of Home Affairs leh Delhi Police te chuan hmarchhak state Resident Commissioner te koh khawmin meeting pawimawh tak a lo neihpui tawh a. Chumi tuma an thurel chipchiar chu heng state te hnenah hian thawn vek an ni nghe nghe.
Meeting thurel angin Resident Commissioner theuhte chuan anmahni state atanga zirlai leh thalai Delhi-a awm zawng zawngte hming, contact no. leh address kimchang takin vawng vek se tih a ni a. Hmarchhak state zirlai pawl leh pawl dangte chu a khat tawka inhmukhawma hetiang chungchang hi sawiho tura beisei niin, thu pawi hla pawi an neihte chu Ministry of Home Affairs leh Delhi Police te nen a khat tawka sawiho thin nise tih an rel a. Hetih lai hian zirlai leh thalai dang reng reng te chu zan rei tak taka pawn chhuak lo tura hriattir an ni a, thil tula an chhuak vak a nih pawhin mahnia mal tlat lova a huhova kal thin nise, helai biala zirlaite phei chu tun aia nasa zawka inpawhtawn tura hrilh an ni bawk. Rikrum thilah chuan Delhi Police Helpline nos. 1090,1091 leh 100 ah te chanchin hriattir vat tur a ni a. State tin Resident Commissioner te pawh darkar 24 chhung Helpline nung reng siam tura thurawn pek an ni bawk.
Meeting thurel angin Resident Commissioner theuhte chuan anmahni state atanga zirlai leh thalai Delhi-a awm zawng zawngte hming, contact no. leh address kimchang takin vawng vek se tih a ni a. Hmarchhak state zirlai pawl leh pawl dangte chu a khat tawka inhmukhawma hetiang chungchang hi sawiho tura beisei niin, thu pawi hla pawi an neihte chu Ministry of Home Affairs leh Delhi Police te nen a khat tawka sawiho thin nise tih an rel a. Hetih lai hian zirlai leh thalai dang reng reng te chu zan rei tak taka pawn chhuak lo tura hriattir an ni a, thil tula an chhuak vak a nih pawhin mahnia mal tlat lova a huhova kal thin nise, helai biala zirlaite phei chu tun aia nasa zawka inpawhtawn tura hrilh an ni bawk. Rikrum thilah chuan Delhi Police Helpline nos. 1090,1091 leh 100 ah te chanchin hriattir vat tur a ni a. State tin Resident Commissioner te pawh darkar 24 chhung Helpline nung reng siam tura thurawn pek an ni bawk.
