Thingsai khua kum 125 tlin lawmna inkhawm, nimina Saitlang Romual hmuna an buatsaih chu Chief Minister Pu Lal Thanhawla leh a nupui Pi Lalriliani ten an hmanpui a. Bialtu MLA Pu John Siamkunga pawhin a hmanpui bawk. Chief Minister hian he ni hriatrengna Lungphun (Monument), kil thum nei feet 9 leh inches 10 a sang, a bulthut feet 16 a zau, cheng nuai khat leh sing 9 senga siam chu a hawng hmasa a ni.
Chief Minister chuan Thingsai khua in mi ropui leh mi lar thahnem tak an lo chherchhuah tawh atanga en hian khaw changkang a ni tih a hriat a, a mi chengte chu ropui hle mahse, chapo pui mai lova, khaw entawn tlak leh hmahruaitu ni zel turin mipuite chu a chah a. Kum 1920 a Primary School nei tawh, Middle English School kum 1948 nei tawh leh kum 1957 a High School lo nei daih tawh khua Thingsai hi zirna lamah an changkang hle a ni tiin, Kohran lamah pawh Mizoram puma kohran lo din tanna ban 5 zinga chhiar tel ve a ni hi hmahruaitu khua a ni tih a tilang chiang hle a ni a ti. Heng bakah zai lama mi lar hmasa Saikuti te, Lalsangzuali Sailo leh Zira Hnamte te chherchhuaktu khua anih thu Chief Minister chuan a sawilang bawk.
Pu Lal Thanhawla chuan Thingsai khua in mamawh an dilte chu chhangin, a sorkar chuan an thil dilte chu an dil hma-a an hriat daih tawh thu sawiin, mimal angin emaw, khua pakhat angin emaw, a bika tumah siam a tum loh thu a sawi a. Mizoram mipui zawng zawng leh a khua zawng zawng hi rualkhai taka siam a tum a ni a ti. Tun dinhmunah chuan sorkar hmasa kihhnawk hling bawm khat tlat mai thenfai hna thawk chunga kal an nih avang leh hun leh sum in ala daih loh avang bawkin kan mamawhte kan la ti puitling zung zung thei rih lo a ni a ti.
Chief Minister nupui Pi Lalriliani, President, Indian Society on Tobacco & Health, Mizoram Chapter chuan zuk leh hmuam in kan hriselna a khawih chhiat theih zia uar takin a sawi. He ni hriatrengna ‘Souvenir’ a tlangzarh nghal bawk a ni.
Thingsai khua in kum 1984 a an kum 100 lawmna an neih khan Chief Minister te nupa hian an lo hmanpui tawh bawk a. Tun tuma kum 125 tlin lawmna-a an sawm leh chu Pu Lal Thanhawla chuan Thingsai khua in an nupa an la hriat reng avanga an sawmna chu ngaipawimawha kal an nih thu a sawilang nghe nghe a ni.
Thingsai Village Council chuan kumin kumtir atang khan he ni lawm anih theih nana hma latu Organising Committee a din a. An budget atan cheng nuai 5 dahin, Thingsai Welfare Committee, Aizawl in cheng nuai 3 leh Thingsai in cheng nuai 2 thawhin, a khawnawt – in 500 vel - tan ruai buatsaih a ni a. Hemi atan hian Sial 1, Bawng 2, Vawk 4 Kel 2 leh Arva engemawzah an talh a ni. Thingsai khawchhuak hmun danga awm tawh mi thahnem tak he ni hian an tel bawk a ni.
Pu Lal Thanhawla chuan Thingsai khua in mamawh an dilte chu chhangin, a sorkar chuan an thil dilte chu an dil hma-a an hriat daih tawh thu sawiin, mimal angin emaw, khua pakhat angin emaw, a bika tumah siam a tum loh thu a sawi a. Mizoram mipui zawng zawng leh a khua zawng zawng hi rualkhai taka siam a tum a ni a ti. Tun dinhmunah chuan sorkar hmasa kihhnawk hling bawm khat tlat mai thenfai hna thawk chunga kal an nih avang leh hun leh sum in ala daih loh avang bawkin kan mamawhte kan la ti puitling zung zung thei rih lo a ni a ti.
Chief Minister nupui Pi Lalriliani, President, Indian Society on Tobacco & Health, Mizoram Chapter chuan zuk leh hmuam in kan hriselna a khawih chhiat theih zia uar takin a sawi. He ni hriatrengna ‘Souvenir’ a tlangzarh nghal bawk a ni.
Thingsai khua in kum 1984 a an kum 100 lawmna an neih khan Chief Minister te nupa hian an lo hmanpui tawh bawk a. Tun tuma kum 125 tlin lawmna-a an sawm leh chu Pu Lal Thanhawla chuan Thingsai khua in an nupa an la hriat reng avanga an sawmna chu ngaipawimawha kal an nih thu a sawilang nghe nghe a ni.
Thingsai Village Council chuan kumin kumtir atang khan he ni lawm anih theih nana hma latu Organising Committee a din a. An budget atan cheng nuai 5 dahin, Thingsai Welfare Committee, Aizawl in cheng nuai 3 leh Thingsai in cheng nuai 2 thawhin, a khawnawt – in 500 vel - tan ruai buatsaih a ni a. Hemi atan hian Sial 1, Bawng 2, Vawk 4 Kel 2 leh Arva engemawzah an talh a ni. Thingsai khawchhuak hmun danga awm tawh mi thahnem tak he ni hian an tel bawk a ni.
Attachment
- Loading attachment...
