Delhi Police Recruitment Board chuan Mizoram mi leh sa diktakte tan Delhi Police Constable (Executive) Mipa leh Hmeichhe tan hna an la leh dawn a. Hetah hian mipa-44 leh hmeichhia-21 (total=65post)an la dawn ani. Dilna form hi dt. 26.9.2018 atanga dt. 25.10.2018 (5pm) thleng hian Mizoram Police websibe, www.police.mizoram.gov.in atangin lak (download) theih ani anga, dilna form fillup hi Temporary Delhi Police Recruitment Office, tuna DIG(Hqrs.) Office, PHQ, Khatla, Aizawl a hawn mek ah dt. 25.10.2018 tlai dar 5:00pm thleng thehluh theih ani ang. Physical test/ Written test leh medical test te hi Mizoram ah vek tih tur ani a, a tih hun tur chu in hriattir leh ani ang. He hna dil thei chin te chu - Mipa kum 18-21 (relaxation to 5yrs. for ST/SC) leh Hmeichhia kum 18- 25 (relaxation to 5 yrs to ST/SC) leh Class XII (HSSLC) passed chin te leh Mipa san zawng ah 165 cm chin leh a chunglam, awm len zawng 76 cm- 80cm, 4cm tala tilian thei. Hmeichhia san zawng 155 cm chin leh a chung lam te an ni.
Hrechiang duh leh harsatna nei te chuan heng ahnuai a mi ahte hian zawh/ enfiah theih ani ang.
Contact: 1. Mizoram Police website, www.police.mizoram. gov.in
DIG(Hqrs) Office, PHQ, Aizawl: Ph: 0389-2333059
Delhi Recruitment cell: Ph: 011-27427253.
Mizoram District SP Offices- tin te.
