No.1046/2021-2022
Aizawl, 20th June, 2021: Dr Pachuau Lalmalsawma, Official Spokesperson, COVID-19 hrang hrang atangin India ram Laboratory thlan bik 10-ah COVID-19 chuan Mizoramah Delta variant bakah COVID-19 hrik chhuak thar dangte a awm leh awm loh hmuchhuak turin hma lak chhunzawm zel a nih thu a sawi.
Dr Pachuau Lalmalsawma chuan COVID-19 hrik chhuak thar Mizorama a awm leh awm loh finfiahna (Whole Genome Sequencing) hi neih chhoh mek zel niin, Mizoram tan chuan National Institute of Biomedical Genomics (NIBMG), Kalyani, West Bengal, hi sawrkar laipuiin a thawnna tura laboratory ruat bik a ni, a ti.
NIBMG Laboratory-ah hian Whole Genome Sequencing (WGS) neih turin tum hnih samples thawn a ni tawh tih sawiin, a hmasa ber atan kumin March ni 31 ah khan sample 69 thawn a ni a; hemi tuma sample thawn zawng zawngah hian COVID-19 Virus hrik chhuak thar (mutated strain) hmuh a ni lo.
Kumin April ni 17–ah Sequencing neih turin RT-PCR positive sample 217 thawn leh a ni a; hemi tuma sample thawn zinga sample 76 result niminah dawn niin, chung zinga sample 4-ah India rama COVID-19 hrik chhuak thar, inkai awlsam chi, Delta variant chu hmuhchhuah a lo ni ta a ni. Delta variant hmuhchhuahna sample laknate hi mipa vek niin kum 18 - 55 mi an ni a; sample te hi kumin February ni 4 leh March ni 11 inkara lakte an ni. An vai hian tha takin an dam chhuak leh vek tawh a ni. A tum hnihna sample sample thawnte hi an enfiah chhunzawm mek zel a ni.
Tunah hian Zoram Medical College Microbiology Department chuan COVID-19 hrik thar awm leh awm loh enna turin sample 100 thawn turin an peih fel leh tawh a, a enfiahna Laboratory te ruahmanna in Courier Service ruat bikten an rawn lam hun nghah mek a ni.
