No.1045/2021-2022

PRESS STATEMENT 11.6.2021.pdf
Aizawl the 19th June, 2021 : State Sorkar in a din Task Group on Insurance rawtna anga Mizoram Sorkarin LLTF leh VLTF member/volunteer an duty naa Covid vanga nunna chante tan Ex-Gratia Lump Sum Compensation Scheme a lo tih chhuah tak chu a nihna ang taka hman a nih theih nan chak takin Task Group on Insurance chuan a bawhzui zel a, tunah hian LLTF 83 cover tawhin member/volunteer 4273 ziah luh tawh an ni a. VLTF pawh 740 cover an ni tawh a, member/volunteer 21467 ziah luh tawh an ni. LLTF hi chu zawh a ni tawh a VLTF pawh hi zawh thawkhat tawh a ni.

Task Group on Insurance chuan VLTF member/volunteer te ziah luh an nih theih nana mawh latu BDO te chungah leh block hrang hranga thawktute chungah lawmthu a sawi a, AMC area-a LLTF te cover an nih theih nana thawktu, AMC Commissioner leh a staff te chungah pawh a lawm em em a ni.

He scheme-ah hian LLTF/VLTF member/volunteer, an duty naa Covid- 19 vanga thihna tawk chhungte’n Rs 20 lakh an dawng thei dawn a, chutiang vanduaina an tawh hmaa an inziah luh ngei ngei a ngai thung a. Chuvangin LLTF/VLTF memberte la inziak lut lo an awm chuan a rang lama inziak lut tura ngen an ni a. Heta inziak lut te hi Task Group on Insurance chuan data base siamin kar tin a update bakah mumal takin a vil zui reng a ni. He scheme hian September ni 30, 2021 thleng a awh dawn a, VLTF/LLTF mi leh sa, khawtlang leh ram tana \hahnemngai taka thawk tute zingah he scheme hnuaia an inziah luh loh vanga an compensation dawn tur dawn loh phah awm lo se tih hi Task Group on Insurance duh dan a ni a, la inziak lut lo te pawh June ni 21, 2021, 5:00 PM hmaa inziaklut vek turin a ngen an ni. Hemi hnu lamah hi chuan inziah luh belh tur chuan Task Group phalna lak hmasak zel a ngai tawh ang.

He Scheme hnuaia inziah luh tawh dan chu hetiang hi a ni.

Sawrkar hnathawk nghet leh nghet lote hi chu COVID-19 donaa thi an nih chuan Ex-Gratia Lump Sum Compensation Scheme hran hnuaiah Rs.20.00 lakh an dawng thei dawn tho a, chuvangin he scheme hian a huam lo a ni,

Claim siam dan tur
He scheme hnuaia vanduaina tawka boral ta-in Compensation dawng tura a ruat lawk (nominee) te chuan hetiang hian Ex-gratia lump sum compensation claim tur a ni.

1. Nominee te chuan an VLTF/LLTF data entry siamtute hriatpuinain claim na tur form siam sa fill up-in claim an theh lut tur a ni. (Prescribed form hemi atana WhatsApp group siam, Block tin telna a\angin download theih a ni).

2. Chung claim te chu mahni bialtu Deputy Commissioner-ah thehluh tur a ni a, DC chuan Claim Certifying Authority a nihna angin a lo check ang a, document zawng zawngte chu an dik ngei a ni tih a certify vek ang.

3. Claim certify tawh chu Task Group on Insurance Chairman (Addl. Secretary, Finance (EA), Govt of Mizoram) hnenah thehluh tur a ni.

4. Claim siam laiin hengte hi thil tel tur a ni.
1. Mitthi Document thil tel turte:
a) Mitthi chu LLTF/VLTF member a ni ngei a ni tih tihchianna emaw, LLTF/VLTF hnuaiah volunteer anga ziah luh ngei a ni tih tih chianna lehkha, order copy, bialtu Deputy Commissioner countersign ngei.
b) Mitthi-in COVID -19 a kai \anna tih chianna (Contact Tracing team te a\anga hraitpuina)
c) Death Certificate
d) Covid-19 vanga thi a ni ngei tihchianna Hospital/Laboratory report.

2. Diltu document thil tel turte:
a) A diltu nihna tih chianna identity card (attested copy of adhaar card/EPIC/ Driving license)
b) Mithi leh a diltu inlaichinna tih chianna (attested copy of Ration card/EPIC etc.)
c) Diltu Address tih chianna
d) Bank pass book phek hma xerox, account number lanna attested copy.