1281/2022-2023

Champhai, the 18th July, 2022: Mitinte  banphak leh kalpawh theiha inthlanna buatsaih a nih theihna nana hmalaknate enfiaha viltu tur, District Monitoring Committee on Accessible Election (DMCAE), Champhai District chu District Election Officer (DEO), Pu James Lalrinchhana chuan din a nih thu a chhuah.

He committee hian kan hmaa inthlan lo awm tur, Mizoram Legislative Assembly inthlanpui 2023 leh Lok Sabha inthlanpui 2024 neih hunah pianphunga rualbanlo, Persons with Disabilities (PwD) ten vote an thlak theihna tura hmunhma buatsaih leh tul dangte buaipui a nih dan enfiahin an vil dawn a ni.

District Monitoring Committee on Accessible Election hi District Election Officer chuan kaihruaiin, Election Officer chu Member Secretary a ni a. Member atan Deputy District Election Officer, Chief Medical Officer, District Education Officer, Executive Engineer, PWD, District Programme Officer, Child Development & Protection Officer, Women and Child Development Department-te bakah Systematic Voters' Education and Electoral Participation (SVEEP) PwD Icon Pu Lalrinngheta Chinzah leh Pu H.K.L Thanga te chu ruat an ni.