1280/2022-2023

Aizawl the 18th July, 2022 :  Vawiin khan India ram hotulu ber President Inthlan vawi 16-na chu Committee Room, Main building, Mizoram Legislative Assembly-ah hlawhtling taka neih a ni. 

Polling booth hi zing lam dar 10:00AM ah hawn tan a ni a, tlai lam dar 5:00PM ah khar a ni thung. Mizoram MLA 40 ten India ram President thlanna-ah hian vote an thlak vek a ni.

India President Inthlanaa vote thlak hmasa ber chu ZPM MLA Pu Lalchhuanthanga niin zing dar 10:15AM ah a thlak a. Dr. K.Pachhunga chuan dar 1:05PM ah thlakin, vote thlak tawp ber a ni. 

Vawiin vek khan Lok Sabha MP Pu C. Lalrosanga leh Rajya Sabha MP Pu K. Vanlalvena te pawn chawhma khan President Inthlanah vote tluang takin Parliament House-ah an thlak bawk a ni.

Rampuma vawiina Presidential Election atana Vote tla zawng zawngte chu ni 21.7.2022 ah Returning Officer Office Room No. 63, First Floor, Parliament House, New Delhi ah chhiar a ni ang.

Attachment

  • Loading attachment...