1279/2022-2023

Aizawl the 18th July, 2022 :  Nimin (17.07.2022) khan Union Home Minister Pu Amit Shah hovin ‘Har Ghar Tiranga’ hmalakna chungchangah State Chief Minister leh Union Territory Lieutenant Governor leh Administrator te nen video conference neih a ni. Har Ghar Tiranga hi India zalenna kum 75-na lawman ‘Azadi kan Amrit Mahotsav (AKAM)’ kal zela hmalakna niin, August ni 13 atanga ni 15, 2022 chhunga ram pum chenna in zawng zawnga hnam puanzar zar theuh a nih theih nan a hmalakna a ni.

He meeting-ah hian Har Ghar Tiranga chu India khua leh tui ten ram leh hnam hmangaihna an lo neih  thuk leh zual an neih theih nan a ruahman anih thu sawi a ni a. State leh UT tin a he hmalakna hnuaia flag mamawh zat leh senso ngai te, leina tur leh siamchhuah dan tur te, hralhchhuahna tur man zat bituk te sawiho a ni a. Flag hi chi thum (size thum) a siam tura tih niin, state/UT te’n an lei/ siam dan tur te sawi a ni a. NRLM hnuaiah ‘flag production’ pawh telh a nih thu tarlan a ni. 

Mizorama hmalak dan tur chungchangah Mizoram Art & Culture department chuan naktuk atan hian  meeting a ko a ni.