1278/2022-2023

Dated Serchhip, the 18th July, 2022: Central Consumer Protection Authority (CCPA) chuan 4.7.2022 atanga hman tan turin Consumer Protection Act, 2019 Section 18(2) (1) kaihhruaina (guidelines) tun hnai maiah khan a tichhuak a. He inkaihhruaina hian ram chhunga Hotel leh Restaurants te chu chaw (ei leh in) man a leitute hnen atanga an lak baka Service Charge dil belh emaw phut belh lam chi reng reng a khap a ni. Hming dang emaw midang hming pawhin Service Charge hi an la tur a ni lova, Food Bill a Service Charge ziahkai belha, chung bill total atanga GST lak tum thinte pawh khap tlat a ni. Service Charge chu a leituin a pe duh a niha, a phal (voluntary) a nih chauhvin an dawn sak thei tih hi an hrilhfiah ngei tur a ni.

Hotel leh Restaurant Service Charge thua thil leitu (Consumer) lungawilote chuan an bialtu DC ah sawibuaina (complaints) thehluh theih a ni a, District Collector ten CCPA ah a tul angin an thlen leh thin dawn a ni.