4587/2023-2024
Champhai, the 15th April, 2024: Kan hma lawk ni 19.4.2024 (Zirtawpni) a kan ram aiawh tur MP thlanna neih turah Champhai District-a inbuatsaihna pawhin a vawrtawp a thleng chho mek a. District Election Officer Pu James Lalrinchhana chuan vote thlak chu khua leh tuite dikna leh chanvo a nih mai bakah mawhphurhna a ni tih hre reng chunga vote thlak turin Champhai District mipuite a sawm tak meuh meuh a ni.
DEO thuchhuah chuan kan ramah rorelna dik a lo awm theih nan kan aiawh tur uluk taka thlan a tul thu tarlangin, sum leh therhlo it avanga mahni vote hralh lo turin Champhai District mipuite a ngen a. Inthlanna thianghlim, muanawm leh felfai tak a awm theih nan inthlannaa duty zawng zawngte tha taka tawiawm tlat turin district mipuite a ngen bawk.
DEO Champhai thuchhuah chhuah chuan engemaw rokhawlhna avanga EPIC nei remchang lo te chuan anmahni ngei a ni tih finfiahna turin a hnuaia Photo Identity Document tarlante hi kengin vote an thlak theih thu a hriattir bawk.
i) Aadhaar Card
ii) MNREGA Job Card
iii) Bank/Post office atanga thlalak chuang Passbook pek chhuah
iv) Ministry of Labour atanga Healh Insurance Smart Card pek chhuah
v) Driving License
vi) PAN Card
vii) NPR kaltlanga RGI in Smart Card a pek chhuah
viii) Indian Passport
ix) Pension lehkha pawimawh thlalak chuanna
x) Service Identity Card thlalak chuanna Central/State Govt./PSUs/Public Limited Companies te'n an hnuaia thawkte tana an siam sak
xi) MP/MLA/MLC-te Official Identity Card
xii) Unique Disability ID (UDID) Card, M/o Social Justice & Empowerment, Government of India
