204/2024-2025 
2024 Ṭau thla ni 16: April ni 19, 2024-a 1-Mizoram Parliamentary Constituency-a Lok Sabha Inthlanpui buatsaih turah Lawngtlai District chhunga inthlan buaipui tur polling official-te an kalna tur polling station ṭheuh thliar felna 3rd & final randomisation chu tukin khan Lawngtlai NIC Conference Room-ah video conference kal tlangin General Observer Dr Nipun Vinayak hovin buatsaih a ni.
He hunah hian Lawngtlai District Election Officer Pu Cheemala Siva Gopal Reddy hovin election official-te an tel a. Lawngtlai District chhunga polling station 181-a inthlan buaipui tur, Presiding Officer, Assistant Presiding Officer leh Polling Officer turte chu khawl hmangin an kalna tur polling station ṭheuh thliar fel a ni.
Lawngtlai District chhunga assembly bial pathuma polling station 181 awmah inthlan buaipui turin PRO 1, APRO 1 leh PO 2 ṭheuh an awm dawn a. Hei bakah hian bial tinah 20% zel thlaveng (reserve)-ah an awm dawn bawk a ni.
Tuichawng biala polling station 70 awm zingah hmeichhe hlang duty-na tur (all women managed) polling station 4 awmin, Lawngtlai West biala polling station 69 zinga 8 chu hmeichhe hlang duty-na tur a ni thung a, Lawngtlai East biala polling station 42 zinga 8 chu hmeichhe hlang duty-na tur a ni bawk. Hei bakah hian assembly constituency tinah ṭhalai hlangin inthlan an buaipuina tur (all youth managed) polling station pakhat ṭheuh ruahman a ni bawk.

Attachment

  • Loading attachment...