2609/2023-2024

Hnahthial the 3rd November 2023: Karleh maia inthlanpui lo thleng tur inbuatsaihna kalzelah District Election Office, Hnahthial leh Block Mission Management Unit, Hnahthial RD Block (MzSRLM) tangkawp chuan nimin khan Thingsai leh Cherhlun-ah te voter awareness campaign an nei. He campaign-ah hian 29-South Tuipui AC huam chhunga inthlanpui hnuhnung bera vote tla zawng zawng atanga za zela 80 tlin lohna polling station-te chu Systematic Voters' Education & Electoral Participation (SVEEP) pualin a hmunah kalchilhin awareness campaign hi neih an ni.

He hunah hian Hnahthial District SVEEP Nodal Officer Pi K Ngosai, DIPRO ni bawk chuan thu sawiin inthlan hnuhnung berah Thingsai leh Cherhlun te chuan Mizoram State average voter turn-out an phak loh thu a tarlang a, kumin inthlanah chuan theihtawp lo chhuah theuh turin a chah a ni. South Tuipui bial chu Mizoram Assembly Constituency-ah vote tlem berna an ni tiin tanrual chuan vote thlak tha ber an nih theih thu a sawi. Kalkhawm mipuite chu an dikna chanvo leh mawhphurhna ngai pawimawh tura fuihin vote thlak theilo ram mipuite chan chhiat thu a sawi a, SHG nu ho chu thawhho puiah sawmin ram ropui siam turin mi pakhat vote hlutna hre fo turin a chah hlawm bawk a ni.

District Election Office Hnahthial leh MzSRLM te hian tum dangah pawh voter-te hrilhhriatna kawngah an lo thawk ho fo tawh thin a, nimin campaign chuan rah tha a chhuah ngei beisei a ni.